Grønlands Erhverv/Sulisitsisut Kalaallit Nunaanni sulisitsisut ingerlatseqatigiiffiisa annersaraat nunarput tamakkerlugu suliffeqarfinnik 329-inik ilaasortaqartoq. Inuiaqatigiit sullippagut tassanilu inooqataalluta. Ukiut allortarlugit angisuumik inuutissarsiortunik isumasioqatigiissitsisarpugut, taallugu Future Green-land. 2024-milu tamanna ilavarput inuusuttunik isumasioqatigiissitsinissamik, taasamik Future of Greenland. Tassani peqataatinneqassapput inuusuttut 14-iniit 28-inut ukiullit (atuarfinni 9. – 10. klassi-neersut, GUX-ertut, NI-mi ilinniartut. KTI-meersut, Ilisimatusarfimmeersut il.il.)

Isumasioqatigiissitsinermi peqataassapput inuit 450-it sinnerlugit amerlatigisut, ingerlanneqassaarlu ataasinngornermi ulloq 13. maj 2024. Nalunngilarput inuussuttut ilarpassui peqataanissamut periarfissaqanngitsut taamaattumillu online atorlugu tamanna aaqqiiviginiarparput, nunarput tamakkerlugu atuarfiit online-ikkut malinnaainnaasunngorlugit. Neriuppugut periarfissiissut tamanna atorluarneqarumaartoq isumasioqatigiissitsinermilu saqqummiussorneqartut atuartitsinermi atorluarneqarumaartut. Saqqummiussissutissat ilaannut apeqqusiortitsinikuuvugut saqqummiussat pillugit atuartitassilu oqaloqatigiissinnaanissassinnut atorsinnaasassinnik.

Neriuppugut suliniutigisarput tigulluarneqarumaartoq.

Qutsavigiumavarput Pilo Samuelsen Tsiu Siu-meersoq apeqqutissanik ikiuinera pillugu, taamatut sullissinermigut aqqutissiuummatigut angorusutatsinnut saaffiginninnissaråput oqaasissiorneq saqqummerseriaaserlu taakkununnga tulluussagaasoq atorlugu.

Inussiarnersumik inuulluaqqusilluta

Sulisitsisut/Grønlands Erhverv