ASASARPUT ILINNIARTITSISOQ
Meeqqat atuarfianni angajullernut peqqinnartumik kinguaassiutit atornerannut tunngasunik ilinniartitsisunut ukua ilinniusiaapput.
Meeqqat inuunerinnerunissaannut atatillugu suleqatigiinnissamut Naalakkersuisut periusissiaat 20202030mi atuuttussiaq Inuuneritta III tunuliaqutaralugu ilinniusiat suliaapput. Peqqinnartumik kinguaassiutit atornerannik qulequtserlugu ilinniartitsisoqarsinnaalernissaa takorluugaavoq.
Ilinniusiat ilinniartitsisunit atorneqarsinnaanerisa saniatigut aamma ernisussiortunit, peqqissaasunit, pitsaaliuinermik suliaqartunit allanillu soqutiginnittunit atorneqarsinnaapput.
Ilinniusiaq kapitalinik tallimanik immikkoortuligaavoq: Ini toqqissisimanartoq, killissat, timi, suiaassuseq kinguaassiutillu atornerat kiisalu atoqatigiinneq atoqatigiinnermilu illersuutit. Ilinniusiani sungiusaatitut suliassat pissuserissaarnissamut, pisinnaatitaaffinnut, timip pisataanut, mi sigissutsinut, timip pissusianut aammalu inoqatinut attaveqaatitigut assinik nassiussisarnernut aamma tunngassuteqartuupput. Kapitalit taakkua tallimat sungiusaatitullu suliassat tikitsinnagit Tusaannga aammalu Nu natsinni meeqqanut, inuusuttunut inersimasunullu oqarasuaatikkut siunnersuisarfiit pillugit paasissutissat atuarsinnaavatit.
Ilinniusiap sannaa imaappoq; sammisat ataani sungiusaa timut ilitsersuuteqartarpoq malitsigisaanillu suliassaqartarluni. Suliassat ataatsimiik amerlanerugaangata kisitsisitalerlugit tulleriiaarneqartassapput.
Assersuutigalugu imatut allaqqasassaaq: SULIASSAQ 1, SULIASSAQ 2 il. il.. Kisianni suliassaq sammisamut ataasiinnaappat imatut allaqqasassaaq: SULIASSAQ
Ilinniartitsineq atuartunut sungiusaatinik suliassiisarluni peqataatitsinikkut, aalasulianik ilinniusianut pineqartunut tulluarsarlugit suliaasunik isiginnaagassaqartitsinikkut ingerlanneqartassaaq. Ilinniartitsinerup atuartunut naleqqut tu mik paasiuminartumillu ingerlanneqarnissaa pillugu ilin niartitsisup klassimut tulluartumik ilinniusiaq ilinniartitseriuserlu nalimmassartassagai pingaaruteqarpoq.
Neriuppugut peqqinnartumik kinguaassiutit atornerannik imalimmik ilinniusiap ilinniartitsisartut tunngavissaqarluar tumik aammalu meeqqat inuusuttuaqqallu naligalugit ilinniartitsisinnaanissaannut sakkussaannik tunisinnaassagai.
Ilinniusiap ineriartortinnissaanut tunniussaqarsimasunut tamanut qujavugut.
Ilinniartitsilluarisi
Mimi Karlsen
Naalakkersuisoq for Børn, Unge, Familier og Sundhed
Immikkoortut tallimaasut
