Immikkoortoq “Ikinngutigiinneq Misigissutsillu” sungiusaatinik assigiinngitsunik tallimanik imaqarpoq, taakkunani ataqatigiinneq ajuutiginninnerlu ukkatarineqarput. Immikkoortoq sungiusarnermik aallaqqaasiuteqarpoq, tassani atuartut eqimattakkaarlutik ikinngutigiinneq pitsaasoq eqqarsaatersuutigissavaat. Atuartut namminneq qanigisaminni pingaarnertut naleqartitatik pillugit ilisimasaqarnerulersinnaapput. Sungiusaatini kingullerni pingasuni ajuutiginninneq isiginnittaatsit assigiinngitsut aallaavigalugit ukkatarineqarpoq. Atuartut timi atorlugu attaveqaqatigiinneq pillugu assinik suliaqassapput, aammalu akuersineq akuersinnginnerlu maluginiassallugu. Pisuusaartitsineq aqqutigalugu pisut assigiinngitsut pillugit eqqarsaatersussapput, tassani oqaaseq flirting sammineqassalluni. Sungiusarnermi atuartut aalasuliaq In a Heartbeat isiginnaassavaat. Aalasuliami misigissutsit qanoq takutinneqarnersut sammissavaat.
Naggasiutitut aalasuliaq sungiusarnertaqarpoq, qanoq pitsaasumik itigartitsisoqarsinananeranut tunngasunik. Meeqqat inuusuttuaqqallu amerlasuut asannileqaarneq aliasunnermut atassuserneqarsinnaavoq. Pingaartumik asannilerneq illuinnaaniit misigineqarpat. Sungiusarnermi uani pingaarnertut sammineqassaaq qanoq ililluni ajunngitsumik itigartitsisoqarsinnaanersoq. Sungiusarnermi pisuusaartitat atuartut eqqarsaatersuutigisassaat tunngavigineqarput. Sungiusarneq atuaqatigiit akornanni eqqartueqatigiinnermik naggaserneqarsinnaavoq.
Misigissutsit pillugit asannilernermut tunngasoq sammisaq atuartut ilaannut sakkortusinnaavoq, ilinniartitsisutullu pingaaruteqarpoq Ini toqqissisimaffiusumi isumaqatigiissutit eqqaasitsissutiginissaat.
Atortussiat
Atortussiat imaraat sammisassanut assigiinngitsunut ilinniartitsisunut ilitsersuutit/suliassanik nassuiaatit taakkununngalu suliassat anillatsitassat.
Atortussianut videot
