NAATITSISA-mi naatitanik imminut pilersorneq misilittagaqarfigineqalissaaq iPadilu atorneqassalluni.
Naatitsisap siunertaa tassaavoq atuartut:
- Kalaallit Nunaanni naatitassaaqqanik, nerisassiornermik imminullu pilersornermik ilisimasaqalernissaat misilittaanissaallu
- Ataatsimoorfiit suleqatigiinnerillu – klassip iluani aammalu nuna akimorlugu – nukittorsaaffigineqarnissaat
- Inuunerminni inuiaqatigiinnilu piujuartitsinermik minguitsumillu ingerlatsisinnaanermut paasisaqarnissaat
Ilinniusiamut attuumassusillit ukuupput:
- Microgreen Gardenit LED-talimmik qullillit klassisættit (Naatitsissutit 2-5t)
- Naatitassarpassuit
- Atuartut ilaqutaannut naatitsissuteeqqat naatitassallu
- Isumassarsiorfimmiipput atuartitsinermi sammisassat 20-t nassuiarneqarput, taakkualu pinngortitalerinermi, oqaatsinik atuartitsinermi iganermilu atorneqarsinnaapput, kisianni aamma matematikkimi, eqqumiitsuliornermi ilusilersuinermilu, oqaluttuarisaanermi inuiaqatigiilerinermilu sammisaqartitsisoqarsinnaavoq.
- Aallartilluarniassagassi naatitsinissamut ilitsersuut
- Atuartunut atortussarpassuit, ass. allatat paasissutissanik imallit, plakatit, atuartut suliassaat assigisaallu.
Kalaallit Nunaanni atuarfiit tamarmik 2025-mi aasap ingerlanerani MICROGREEN GARDENS-inik naatitassanillu klassesætinik nassiunneqassapput.
Kalaallit Nunaanni atuarfiit tamarmik 2025-mi aasap ingerlanerani MICROGREEN GARDENS-inik naatitassanillu klassesætinik nassiunneqassapput.
ILINNIARTITSISUT ISUMASSARSIORFIGISINNAASAAT
ISUMASSARSIORFIUSINNAASUMI MATUMANI atuartitsissutit 20-t atuarneqarsinnaapput, taakkualu Kivitsisami atuartitsissutigineqartartut malippaat:
- Misissuineq
Atuartut alapernaannerulersillugit Kalaallit Nunaanni imminut pilersorneq pillugu misissuissapput, naatitaaqqanillu misissuinermit misilittagaqalissapput, misilittakkatillu naatitsinermut nalunaarsuiffimmut nalunaarsussallugit. - Pilersitsineq
Atuartut imminut pilersornerup naatitaaqqallu pillugit ilisimasatik atorlugit tigussaasunik pilersitsissapput. - Siammarterineq
Atuartut “Kalaallit Nunaanni naatitsineq!” Pilersaarusiorlugulu ingerlatissavaat, taanna tassaavoq atuartut sammisaqarnerminnit ilisimasanik suliarisimasaminnillu allanut siammarterinerat. - Eqqarsaatersuuteqarneq
Atuartut suliarisimasatik kingumut qiviassavaat, sulisimanertik nalilersussavaat anguniakkaminnillu nutaanik inissiissallutik.
Ilinniartitsisutut isumassarsiorfissami matumani sammisat assigiinngitsut katersorlugit atuartitsinissat nammineq aaqqissuutissavat.
Sammisani MISISSUINERMI, SAQQUMMIINERMI EQQARSAATERSUUTEQARNERMILU sammisat aalajangersimasuupput, sammisanilu tamani ingerlanneqartariaqarlutik, taamaalilluni atuartut sammisaat ataqatigiissumik nalunarsiartortumillu ingerlanneqarsinnaapput.
PILERSITSINISSAMI nammineerlutit suna sammitinniarnerlugu aalajangissavat, klassimi piginnaasat soqutigisallu aallaavigalugit naleqqussaassaatit. Uani sammisamut attuumassusillit suliarineqarsinnaasullu atuartitsininni anguniakkannut tulluarnerit toqqarsinnaavatit.
Siammarteruk
