Afsnittet ”Digital trivsel”, indeholder 7 forskellige øvelser. Attaveqaqatigiittarfinni ilorrisimaarneq pillugu immikkoortoq sungiusaatinik arfineq marlunnik assigiinngitsunik imaqarpoq. Immikkoortumi siunertaavoq inuusuttuaqqat attaveqaatinik atuisut akornanni pisartut pitsaasutpitsaanngitsullu pillugit ilisimasaqarnissaat. Immikkoortumi aallaqqaasiutitut sungiusaatitaani atuartut attaveqaatit pitsaaqutaat ajoqutaallu eqqarsaatersuutigissavaat, oqaloqatigiissutiginissaannullu periarfissaqassapput. Suliassami ilaatigut attaveqaatini ileqqorissaarneq, ajornartorsiutit, selfies aamma emojinik atuineq sammineqassapput.
Meeqqani inuusuttullu ulluinnaanni attaveqaqatigiittarfiit initunerat annertusiartuinnarpoq. Kalaallit Nunaanni ilaquttat ikinngutillu nunaqarfinni avinngarusimasuni najugallit attaveqarfiginissaannut attaveqaqatigiittarfiit pisariaqartinneqarsinnaapput. Taamaattumik attaveqaqatigiittarfiit meeqqat inuusuttullu inuunerannik pitsanngorsaataasinnaapput, avammut qaninnerulersitsillutik.
Ajoraluartumik aamma inunnut attaveqaqatigiittarfiit meeqqanut inuusuttuaqqanullu unammilligassanik ajornartorsiutinillu tunioraasinnaapput. Atuartitsissut aqqutigalugu atuartut attaveqaqatigiittarfiit pitsaaqutai ajoqutailu pillugit oqaloqatigineqarsinnaapput. Tamatumalu saniatigut atuartitsissut inuusuttut attaveqaqatigiittarfinni ilorrisimaarnermut nuanniilliornermullu tunngasunik eqqarsaatersornissaannut ikiutaasinnaavoq.
Atuartut attaveqaqatigiittarfiit aqqutigalugit killissaminnik qaangiivigitissimappata pissusiluffigitissimappataluunniit, sumut ikiortissarsiorsinnaanersut aqqutissiuunnissaat pisariaqarsinnaavoq.