Immikkoortoq Timi inuusuttunngulernerlu qulinik sungiusaatitaqarpoq, taakkulu siunertaraat atuartut inuusuttunngulernermi timip ineriartornera pillugu ilisimasaqarnerulernissaat. Sungiusaat siulleq kissassaatitut timip pisinnaasarpassui pillugit nersorinninniutitut suliaavoq. Sungiusarnermi tassani atuartut timimut pitsaasumik isiginnittaaseqarnissaat siunertaavoq, timip qanoq isikkoqarnera pinnagu pisinnaasat pingaarnertut sammineqarlutik. Kingorna inuusuttunngulernermi timip allannguutai qitiutillugit sungiusartoqassaaq.
Ilinniusiami sungiusaatit assigiinngitsunik suleriaaseqarluni ingerlanneqarsinnaapput, ilaatigut eqimattakkaarluni eqqartueqatigiinnerit kiisalu flipflap-it atorlugit sungiusarnerit. Timip qanoq attaveqaqatigiinnermut atorneqarsinnaanera ukkatarineqassaaq, assersuutigalugu kiinarsorneq atorlugu. Inuusuttunngulernermut tunngatillugu nukappiaqqat niviarsiaqqallu immikkut sammineqassapput, sammisallu soorlu aaqartarneq aamma anisuuliorneq ilisaritinneqassallutik.
Ilinniusiaq sungiusaammik naggasiinertaqarpoq, tassani atuartitsinermi ilikkakkat uteqqinneqarsinnaallutik. Sungiusarneq eqquiniaatitsinertut naammassineqarsinnaavoq, taamaalillutik atuartut ilisimasaminnik nutaanik atuinissaminnut periarfissaqassapput.
Timi inuusuttunngulernerlu pillugit immikkoortumi sungiusarnerit kingulliit marluk naartunaveersaatinut tunngasuupput, atuarfimmilu atuartunut 6. aamma 7. klassinut atugassiaallutik. Sungiusaatit taakku marluk siunertaraat naartunaveersaatit suut periarfissaanersut atuartunut ilisaritinnissaat. Ilinniusiami kinguaassiuutinik atuineq pingaarnertut sammineqanngilaq, annertunerusumilli naartunaveersaatit pinaveersaartitsinermut qanoq atorneqarsinnaaneri sammineqarlutik. Taamaalillutik 6. aamma 7. klassimi atuartut atuarfimmi ukiut kingulliit angutinnagit tunngaviusumik ilisimasanik ineriartorteqqissinnaasaminnik katersisinnaassapput.
Atortussiat
Atortussiat imaraat sammisassanut assigiinngitsunut ilinniartitsisunut ilitsersuutit/suliassanik nassuiaatit taakkununngalu suliassat anillatsitassat.
Atortussianut videot
5:30
5:19
