ASASARA ILINNIARTITSISOQ
Una ilinniusiaq akullernut kinguaassiutit atorneri pillugit atuartitsisartunut suliaavoq.
Ilinniusiaq Paarisamit ilinniartitsisunut allanullu suliaqartunut sakkussiatut suliarineqarsimavoq, timi, misigissutsit ilorrisimaarnissarlu atuartut akornanni pilersikkumallugu.
Ilinniusiaq Inuuneritta lll tunuliaqutigalugu pilersitaavoq, tassaasoq Naalakkersuisut periusissiaat meeqqat inuunerissaarnissaannut suleqatigiinnissaq 2020-30-mi anguniagaalluni. Takorluugaavoq atoqatigiinnerup kajungissutsillu peqqissusaa pillugu atuartitsisinnaaneq periarfissaassasoq.
Ilinniusiap siunertaraa atuartut kinguaassiutit atorneri pillugit ilisimasaat qaammarsaavigineqarnissaat – sammisami tassani oqaatsinik atuisinnaanerannik sakkussanik tuniorarneqassapput. Meeqqat akullerni atuartut atoqatigiinnikkut kajungissutsikkullu peqqissuseq pillugu eqqartuinissartik sapiissuseqarfiginerulernissaannut qaammarsaanissaq siunertaavoq. Taamaasillutik imminnut allallu paasilluarsinnaanerunissaanik sakkussanik tuniorarneqarsinnaassapput – taassumalu kinguneratigut aamma nammineq allallu killissaanik ilisimasaqarnerulissallutik.
Ilinniusiap aallaqqaasiutigalugu ”Ini toqqissisimaffiusoq” sammissavaa – atuaqatigiit akornanni toqqissisimaqatigiinnermik ataqqeqatigiinnermillu pilersitsinissaq siunertaralugu.
Ilinniusiap imarai sammisat tallimat, tassaasut:
- Ini toqqissisimaffiusoq – atuartut atuarnerminni toqqissisimaqatigiinnissaat
- Timi inuusuttuaranngulernerlu – timip allanngoriartortarnera aamma naartunaveersaatit
- Killissat – pisinnaatitaaffiit, akuersineq imminut inoqatinullu ataqqinninnissaq
- Ikinngutigiinneq misigissutsillu – inuit atassuteqarfiit, asannilerneq aammalu itigartitsineq pitsaasoq
Materialet indeholder øvelser, film og samtaleaktiviteter, som kan tilpasses jeres elever og deres alderstrin.
Ilinniusiap imarivai sungiusaatit, aalasuliat oqaloqatigiinnissamullu sakkussat atuartuutissi ukiuinut tulluarsagaasut. Atuartitseriaaseq atorneqartoq atuartut peqataalluarnissaannut namminnerminnullu eqqarsaatersuutiginissaannut periarfissiivoq – toqqissisimaneq, ataqqinninneq alapernaannissarlu pingaartillugit.
Neriuutigaarput ilinniusiaq isumassarsiorfigalugulu atuartut kinguaassiutit atorneri pillugit ammasumik, toqqissisimanartumik nuannersumillu oqaloqatigiissutigilluarumaarisi.
Ilinniusiap pilersinnissaannut suleqataasimasorpassuit, workshopertitsinermi misilittakkaminnik avitseqatiginnittunut, isumassarsiaqarluartunut tunniusimasunut qujangaarpugut.
Immikkullu suleqatigisimasagut Sex & Samfund qujarusuppugut, qujanaq suleqatigiilluarsimanitsinnut
Ilinniartitsilluarisi
Immikkoortut tallimaasut
