Immikkoortup uuma inuttut killissat pillugit sungiusaatit qulit imarai. Matumani atuartut namminneq killissaminnik aammalu inuit allat killissaannik takunnissinnaanerulerlutillu maluginnissinnaanerulernissaat – taakkuninngalu ataqqinninnissaat siunertaavoq.
Immikkoortup aallartinnerani inuttut nammineq killissat suunerinik ilisimaarinnilissapput. Tassani namminneq killi mik maluginiarnerisigut inuk qanoq qanitsigalugu nikor farusunnerlutik sungiusaatigissavaat. Sungiusaatip tulliatut, inuup kiinaa atuarlugu suut misigissutsit atornerai eqqoriartassavaat. Kingornatigut sungiusaatit tulleriiaagassat arlaqarput, tassanilu atuartut qanoq qisuariarneri malinnaavigissallugit pisariaqarpoq.
Sungiusaatit kingulliit pingasut annerusumik minnerusumilluunniit inuttut innarlerneqarnermut tunngassuteqarput, taakkulu tulleriinneri maleqqissaarlugit ingerlannissaat pingaaruteqarpoq. Tulleriinnerimi malikkukkit illit atuartitsisutut atuartuutitit ajornannginnerusumik maluginiarsinnaassavatit. Inuttut innarlerneqarneq toqqaannartumik oqaluttuaaqqami ”Miki, ajunngilatit?”mi kingornalu sungiusaatini
”Eqqartortigu”mi sammineqarpoq.
AKUERSINEQ SUUA?
Akuersineq tassaavoq isumaqataalluni takutitsineq, pisinnaatitsissummik tunnius sineq imaluunniit nammineq peqataarusulluni akuliunneq. Soorlu atoqatigiinnissamut imaluunniit flirternissamut angernikkut akuersisoqarsinnaavoq, taman nalu arlalitsigut takutinneqarsinnaavoq. Oqaatsit atorneqarsinnaapput, timip oqariartuuteqarluni ilusaa atorneqarsiinnaavoq, assersuutigalugu qungujunnikkut imaluunniit nammineq inummut qanillinikkut. Aamma qallut qullarlugit angertoqarsinnaavoq qinngallu eqikkartinneratigut naaggaartoqarsinnaalluni. Akuersineq pisumut peqataarusulluni nalunaaruteqarneruvoq.
Akuersisimaneq qaqugukkulluunniit peqataarusukkunnaassagaanni allanngortinneqarsinnaavoq. Aammattaaq pisunut ataasiakkaanut akuersisoqarsinnaavoq pisunut allanut akuersaanngikkaluarluni. Soorlu flirterfigineqarnissat akuersaarsinnaavat kisiannili kuninneqarnissat akuersaarnagu. Taamaattumik pisussanut tamanut illuttut isumaqatigiilluni pisumut akuersaaqatigiinneq qulakkeerniarlugu illugiimmik akuersaartoqarnera maluginiagassaavoq.
?
Atortussiat
Atorsussiat imaraat videot aamma sammisasanut assigiinngitsunut ilinniartitsisunut ilitsersuutit/suliassanik nassuiaatit kiisalu sammisasanut assigiinngitsunut suliassat anillatsitassat.
Atortussianut videot
3:07
